Virtual Boy се враќа!
Nintendo реши да го оживее еден од своите најконтроверзни уреди – Virtual Boy. На последниот Nintendo Direct беше најавено дека 14 игри од оваа чудна „конзола“ од 90-тите ќе станат достапни преку Switch Online + Expansion Pack, почнувајќи од 17 февруари 2026.
За целта, ќе има и специјален додаток односно сет што го претвора Switch или Switch 2 во Virtual Boy. Ќе постојат две верзии: пластична премиум за околу $99 и поевтина картонска верзија од $25, во стил на Nintendo Labo.
Virtual Boy во своето време беше познат по црвено-црниот 3D приказ и ограничената библиотека, па не случајно заврши како еден од најголемите промашувања на Nintendo. Но токму тоа му ја дава култната вредност денес.
Со оваа иницијатива, ретро публиката конечно ќе може легално да ги игра игрите од Virtual Boy, и тоа на модерен хардвер. Повеќе од јасно е дека Nintendo реши да го прегрне и своето „неуспешно“ минато и да му даде нова шанса.
