Game Child – ”светиот грал” меѓу рачните видео игри?

Иако на прв поглед личи на Game Boy, Game Child е всушност многу повеќе од тоа, оваа рачна видео игра е симбол и претставник на кинеската knockoff индустрија која располага со бескрајна креативност и благодарение на истата во годините наназад земјите од третиот свет можеа да уживаат во убавините кои ги нудат видео игрите.

Но, што всушност претставува Game Child? Тоа е LCD игра изработена во Кина некаде во почетокот на 1990-тите години која изгледа речиси исто како популарниот Game Boy, но освен изгледот нема апсолутно ништо друго заедничко со популарната видео конзола.

Самиот дизајн се карактеризира со само едно главно копче, d-pad-од е во црвена наместо црна боја, распоредот на останатите копчињата е под самиот екран, а наместо прекинувач има копче за вклучување и исклучување. За да биде се поинтересно, задниот дел од конзолата има дури и лажна капачка за батерии која всушност е празна, додека една батерија се инсталира во делот каде што наводно треба да стои играта.

Секој Game Child располага со само една вградена игра, а вкупно постојат 6 различни игри:

• Football (renamed “Soccer” on later models)
• Space War
• Desert War
• City Fighter
• Ice Hockey
• Ghost Hunter

Дел од игрите се наведени на задната страна од секое пакување.

Покрај оваа верзија постои уште една  Game Child MK II  или исто така позната како Card Game MK II и Game Kid MK II.

Иако е ова една обична LCD игра има интересни работи кои би сакале да ги издвоиме. Поради самиот изглед и нејзиното име често оваа видео конзола е предмет на шега и со тоа има заработено посебен статус во светот на видеото игрите. Исто така, ретко за која видео конзола може да се каже дека постои филм или анимирана серија, но за Game Child ги има и двете. 🙂

Во 2013 год. познатиот јутубер Ashens сними филм со наслов “Ashens and the Quest for the “Gamechild “, во кој тој оди во авантура и потрага по единствениот преостанат Game Child. Филмот си има свои моменти и е солидна британска комедија, доколку немате ништо друго попаметно да правите во животот еве наша препорака да го погледнете филмот. 🙂

Но, да не биде само филмското платно, одличната анимирана серија The Amazing World of Gumball има целосно посветена епизода на Game Child со наслов “The Console“, која е патем е навистина добро сработена и изобилува со доста хумор.

И за на крај, доколку сте ја играле или ја имате оваа видео конзола тогаш и вие сте дел од чудесната историја од светот на видео игрите. 🙂