THE KING OF FIGHTERS

Кога ќе се присетам на деновите кога одевме во маалската флиперница да го потрошиме училишниот џепарлак, прво што ми доаѓа на памет се 8-те аркадни машини полни со игри на кои 90% од времето се играше само една наслов, The King Of Fighters.
Имаше нешто уникатно во таа фајтерска игра која отскокнуваше од останатите жанровски слични на неа. Можеби концептот на борба со три карактери или разноврсниот избор на ликови или можеби феноменалната 2D графика и спрајтови меѓутоа едно е сигурно, сите го препознаваа квалитетот на тој серијал и уживаа во него.

Историјата на King Of Fighters серијалот започнува 1991год. кога програмерската куќа SNK за NEO GEO системите ja издаваат својата прва игра Fatal Fury: King Of Fighters. Водени од успехот на овој серијал одлучуваат да креираат crossover игра која ќе се наодополнува на Fatal Fury и Art Of Fighting.
Првичната замисла им била KOF да биде side-scroller beat em up наслов по име Survivor меѓутоа оваа идеја е отфрлена со што се продолжува со развојот на фајтерска face to face игра која ќе оди напоредно со Fatal Fury серијалот. Сепак концептот на тим од три карактери е една од идеите што ќе бидат задржани од side-scroller верзијата и токму овај иновативен гејмплеј ќе стане заштитен знак на серијалот.
King Of Fighters ’94 како што и насловот сугерира излегува Август 1994год. веднаш позиционирајќи се како најдобра борилачка игра за таа година. Иновативниот гејмплеј ја прави особено исплатлива аркадна игра, бидејќи тимот од три карактери значи дека играчот ефективно ќе добие три животи за секој 1 кредит/жетон, со што се добива поразноврсно и подолго време за играње за разлика од останатите фајтерски игри.

Серијалот ќе продолжи со првиот story arc под името “The Orochi Saga” кој ќе се провлекува низ KOF ’95; KOF ’96 и KOF ’97. Се воведува поединечно креирање на тимови, наместо предефинираните од KOF’94 како и мноштво подобрувања на графички план. Серијалот станува годишна-annual игра така што 1998 излегува KOF’98 што во суштина е подобрена верзија на KOF’97 и претставува мост измеѓу втората трилогија “The NESTS Chronicles” која почнува со King Of Fighters 1999. Овај дел воведува нови карактери како и воведување на тактика каде карактер од тимот наречен „Striker“ може да биде повикан сред борба помагајќи на неколку секнуди. SNK ja издава уште и KOF 2000 пред да банкротираат на почетокот од 2000та. “The NESTS Chronicles” сагата се затвора со The King Of Fighters 2001.
KOF продолжува под капата на Eolith, јужно корејски развоен тим кој на кратко ќе го преземе серијалот креирајќи KOF2002 кој претставува компилација на карактери и гемплеј од претходните игри.

Со престуктуирањето на SNK под името SNK Playmore ja продолжуват традицијата издавајќи ја KOF2003 како и за прв пат креираат spin off наслови специјално дизајнирани за тогашните актуелни конзоли Xbox и PlayStation 2. King Of Fighters Maximum Impact 1 и 2. За првпат во 3D engine со 3D oколина и карактери. Нешто што ќе биде дочекано со голема негативна критика така да и самите игри нема да поминат нешто најславно на пазарот.
SNK се враќаат на своите корени, воедно напуштајќи ја традиција на именување по години со KOF XI, XII и XIII.
King Of Fighters XIV e воедно и последна издадена игра од овој серијал за Аркадни машини како и PlayStation 4 и Windows платформи. Моментално во најава е и KOF XV Кој се очекува да излезе 2022 и е континуитет на претходното издание.

King Of Fighters денес претставува супер компетитивно играчко искуство кое може да се искуси на голем број конзоли како и емулатори. Многу од игрите имаат добиено реизданија за повеќето нови конзоли така што се што Ви треба е контролер или уште подобро Arcade Stick и забавата може да почне!

Комплетен Серијал

1994	The King of Fighters ’94
1995	The King of Fighters ’95
1996	The King of Fighters ’96
1997	The King of Fighters ’97
1998	The King of Fighters ’98
1999	The King of Fighters ’99
2000	The King of Fighters 2000
2001	The King of Fighters 2001
2002	The King of Fighters 2002
2003	The King of Fighters 2003
2004	The King of Fighters: Maximum Impact
2005	The King of Fighters XI
2006	The King of Fighters: Maximum Impact 2
2007	The King of Fighters: Maximum Impact Regulation-A
2008	The King of Fighters ’98 Ultimate Match
2009	The King of Fighters XII
2010	The King of Fighters XIII
2016	The King of Fighters XIV
2022	The King of Fighters XV