Analogue Duo конечно достапен за пред нарачка!

Конечно имаме датум за пред нарачка за следната ретро домашна конзола на Analogue, односно за Analogue Duo.

Првпат за оваа конзола се слушна во октомври 2020 година. Но, очигледното се случи – пандемии, недостиг на чипови, и настанаа одложувања. Знаете како се одвиваа работите во изминатите неколку години со технологијата и игрите.

Но, Analogue Duo штотуку беше најавен за пред нарачка почнувајќи од 19-ти мај во 08:00 часот попладне. А малопродажната цена за Duo е поставена на 249 УСД.

Оваа нова домашна конзола од производителите на Analogue Pocket е наречена „Duo“, бидејќи во главно подржува оригинални игри за PC Engine и TurboGrafx-16, во двата познати формати картица и ЦД-диск.

IMAGE SOURCE: ANALOGUE

За оние кои не се запознаени со Pc-Engine и TurboGrafx-16 конзолите од Hudson Soft и NEC, тие во суштина се едно исто. Слично како Famicom и Nintendo Entertainment System.

За Јапонија беше Pc-Engine, а за Северна Америка го носеше иметоTurboGrafx-16. Главната разлика на овие уреди е само во името и надворешниот дизајн.

Двете конзоли имаа можност да користат и дополнителен Super CD-ROM.

Hudson и NEC прво го објавија PC Engine Duo во Јапонија, во комбинација со оригиналниот PC Engine и експанзијата Super CD-ROM во една единица.

Значи, очигледно е од каде доаѓа името „Duo“ на новата домашна конзола на Analogue, односно опцијата за двојна игра со картичка и диск.

Видео конзолата Analogue Duo користи FPGA технологија за играње игри од PC Engine и TurboGrafx-16.
Благодарение на тој FPGA чип внатре, игрите треба да работат практично идентични како и на оригиналниот хардвер.

Овој нов систем ќе ви овозможи да репродуцирате содржини преку HuCard и CD, како што веќе спомнавме.

Репродукцијата на дигитални ROM-ови не е карактеристика што ја рекламираат од компанијата, секако од правни причини. Но, конзолата има и слот за SD картичка. Значи, знаеме како ќе оди приказната понатака. 🙂

IMAGE SOURCE: ANALOGUE

Самата конзола Duo има прекрасен дизајн, како што и се очекуваше од страна на Analogue. Доаѓа во две верзии: црна и бела.

IMAGE SOURCE: ANALOGUE

Поврзувањето безжичен контролер со Duo исто така треба да биде супер лесно. Конзолата има и Bluetooth и 2,4 g конекции за најмногу четири контролери. Тоа значи дека секој безжичен 8BitDo Bluetooth или 2.4g контролер може да се се поврзе без потреба од ресивер.

Или, ако сакате да бидете Old School, Duo има оригинални приклучоци за контролер на PC Engine или жичен USB.

IMAGE SOURCE: ANALOGUE

Реално ова нешто звучи како совршена машина за ретро игри, секако откако ќе откриеме како да го отклучиме нејзиниот вистински потенцијал.

Спецификации:

• Game Compatibility: HuCARDS & TURBOCHIP, CD-ROM, SUPER CD-ROM, ARCADE CD-ROM.
• Region Free, Worldwide Compatibility (PSU: 50-60hz, 100-240 volts)
• Original-style hucard/turbochip cartridge slot
• Original-style PC Engine controller port
• CD-ROM drive
• 2x USB for wired controllers and accessories
• SD card slot
• HDMI Video 1080p/720p/480p
• 48KHz 16 bit Digital audio via HDMI
• Headphone jack, 3.5mm with volume wheel
• Bluetooth, 2.4g and 2 USB inputs
• Scanline and Scaler options, Horizontal position and stretch, Vertical position and stretch
• 8BitDo TG16 Gamepad w/ 2.4g wireless receiver (included receiver not required for use with Duo)
• Dimensions: 177mm length x 267mm wide x 34.7mm high